နှင်းခွဲကလောင်သို့ ပြန်ကြားချက်

ကမ်းလွန်လေဖြစ်မှတော့
ကျည်ကွယ်၊ မျက်ကွယ်ဆိုတာ
ရှိဦးမှာတဲ့လား။

ဒါ …
ဘယ်သူ့ကောင်းမှုပြုချက်တဲ့လဲ
ငါချစ်တဲ့ “မြစ်” တွေ
မြစ်ကျိုးအင်းဖြစ်ခဲ့ကြ။

လှည်းနေလှေအောင်း မြင်းဇောင်းမှသည်
မြေပြန့်တောင်ပေါ် ပင်လယ်ခြားမကျန်
နေအလင်း၏ နွေးထွေးမှုမရှိ
ရာသီဥတုကိုက
ထုံ
ထိုင်း
မှိုင်း
ဝေ။

ဘုရားသခင် စီရင်ပိုင်ခွင့်၊
ကံကြမ္မာ၊
အုပ်စိုးသူတွေက လုယူလိုက်တာပ။

အရှေ့ဥရောပရဲ့ နှင်းတောထဲ
ခေါင်းထိုးပြီး မအိပ်လိုက်လေနဲ့ဦး ကိုချို
ယဉ်ကျေးမှုတိုက်ပွဲအတွက်
ခင်ဗျားရဲ့ကလောင်ကို
ကျည်အပြည့်ဖြည့်
တိုက်ပွဲဝင်လိုက်စမ်းပ။

နှင်းခဲပျော်ချိန်မှာ
နေရာင်လာမယ်
ခင်ဗျားကလောင်
နှင်းခွဲကလောင်အဖြစ်
ရင်ဖွင့်ပြန်လာတဲ့အခါ
ကျနော်တို့အတူ ထမင်းလက်ဆုံစားကြမယ်
နောက်ပြီး …
လေထန်ကုန်းမှာ လက်ဖက်ရည်အတူသောက်ကြမယ်။

ညိုထက် (လမ်းသစ်ဦး)
ရိုးမ ၃ အင်တာနက်စာမျက်နှာတွင် ဖော်ပြခဲ့ပြီး။