Sunday, September 7, 2008

၁၈ နှစ်ထဲက မှတ်စု

ဘာတွေကို ရွက်ထမ်းထားသလဲ
ဒါဟာလည်း
ငါတို့ခေတ်ရဲ့ အကြီးကျယ်ဆုံး
ပဲ့တင်ထပ်မှုဖြစ်တယ်။

သန္တိသုခ ရသမွန်
လေဦးသွဲ့သွဲ့
လဲ့လဲ့စိမ်းမြ
ခရေပွင့်ကောက်သလို ကောက်ခဲ့ကြ
မွှေးထုံသင်းရှ။

အပ္ပမာဒေန သမ္ပာဒေထ
ဝဿကာရပုဏ္ဏား၌ ပန်းပေါင်းတရာစိတ်ဓာတ်မရှိ။

အဲဒီလိုနဲ့
ဥက္ကဌ ဘရမ်ဆိုင်း
ဥက္ကဌ နိုင်ရွှေကျင်
ဥက္ကဌ ငိန်းကယန်းထန်
သန္တိသုခလမ်းကို ရှာဖွေရင်း
မငြိမ်းချမ်းသောမြေ၌ ခေါင်းချသွားခဲ့ကြရ။

လောကီဘုံသား ဆုံလည်နွားတဲ့
အဖန်ဖန်ကြုံသော ဘ၀များ
မာယာများတယ်။

ဘာတွေကို ရွက်ထမ်းထားသလဲ
ဒါဟာလည်း
ငါတို့ခေတ်ရဲ့ အကြီးကျယ်ဆုံး
ပဲ့တင်ထပ်မှု ဖြစ်တယ်။

ညိုထက် (လမ်းသစ်ဦး)

၂၀၀၆ ကယမ်းပြည်သစ် ပါတီ ဥက္ကဌ ငြိမ်းကယန်းထန် ကျဆုံးကွယ်လွန်သည်ဟု ကြားစဉ်က ရေးဖြစ်တဲ့ကဗျာ

No comments: