အလွမ်းတွေ
ပေါင်းထူလွန်းတဲ့ ယာခင်းပါကွဲ့။
အမုန်းတွေ၊
ဒါဏ်ရာတွေကိုသာ
တသက်တာ
စားသုံးခဲ့ရသူဖြစ်လို့မို့
ကိုယ့်ဝတ်စုံစာ
အနီရောင်ဖြစ်ခဲ့တယ်။
(ဒါပေမယ့်
…. အဲဒီအနီရောင်ဟာ
ကိုယ့်ဒါဏ်ရာ
ဒါဏ်ချက်တွေထဲက
စိမ့်ထွက်လာတဲ့
သွေးတွေပါကွယ်။)
အချစ်ရယ်
….
တကယ့်
တကယ် ကိုယ်ချစ်တာက - အပြာ။
အရှေ့အလယ်ပိုင်းက
သေနတ်သံတွေ ကြားယောင်
ကိုယ့်နိုင်ငံ
တောင်ယာထဲက သွေးတွေကို မြင်ယောင်
ကိုယ့်ရင်ထဲက
အမှတ်တကယ်အတ္တတွေကို
ယောင်လို့တောင်
ဖေါ်ပြခွင့်မရခဲ့။
နေစကြာသဋာ
အဖွဲ့အစည်းထဲက
သက်ရှိတွေနေတဲ့
ကမ္ဘာဂြိုလ်တဲ့လား
မီးခိုးမဆုံး၊
မိုးမဆုံး ယမ်းငွေ့တွေ ဖုံးလွှမ်း
စိတ်ငြိမ်းချမ်းရာ
ငတ်မွတ်ခေါင်းပါးရပ်ဝန်း။
တရိစ္ဆာန်တွေက
တိရိစ္ဆာန်ကိုသတ်
တိရိစ္ဆာန်က
လူကိုသတ်
လူက
တိရိစ္ဆာန်ကိုသတ်
လူက
လူကိုသတ်
ကမ္ဘာကြီးလုံးတယ်ဆိုတာ
ဒါကိုများ
ပြောတာလား။
လက်တီကျူ့၊
လောင်တီကျူ့တွေနဲ့
ထိမ်းခတ်ခံထားရတဲ့
အကျဉ်းသားတွေပါကွယ်။
ကိုယ်တိုင်မှာကလည်း
အနေမှန်
အရေပြားတွေအောက်က
ဧကန်တရားတွေ
ထူးခတ်ခံထားရတဲ့ အကျဉ်းသား
အခိုးငွေ့တွေများလွန်းလို့ထင်ရဲ့
အိုဇုံးလွှာ
ပေါက်ပြဲသွားရတယ်တဲ့
ကူးစက်ရောဂါတွေ
ထင်တာထက် များပြားနေတယ်။
နှစ်ဆယ့်တရာစုမှာ
ရေရှားပါးမှု
အန္တရယ်ရှိသတဲ့
ရင်တွေ
ပူလိုက်တာ။
အလွမ်းတွေ
ပေါင်းထူလွန်းတဲ့ ယာခင်းပါ
ဗုံးပေါက်ကွဲသံတွေနဲ့
ခြားနားစွာ
ချစ်ရသးတွေရဲ့
ရင်ခုန်သံကို ကြားနာချင်တယ်။
အချစ်ရယ်
….
တကယ့်
တကယ် ကိုယ်ချစ်တာက - အပြာ။
ညိုထက်
(လမ်းသစ်ဦး)
