အဆီတ၀င်းဝင်း
သဲတရှပ်ရှပ်
ကျုပ်က
အသန့်ကြိုက်တယ် ။
ဝတ်ကောင်းစားလှမရှိတဲ့ … ငါ
ထည်လဲမ၀တ်နိုင်တဲ့ … ငါ
ဘာမှမဟုတ်တဲ့ … ငါ
မြို့ပြကို
နောက်ဖေးပေါက်မှဝင်ခဲ့ရ ။
တပြည်သားမြို့ပြက
ယဉ်ကျေးဟန်ဆောင်
တောက်ပဟန်ဆောင် ။
ခရီးထောက်နားတဲ့
အိမ်နဲ့ပုဂ္ဂိုလ်များကတော့
မသိဟန်ဆောင်
အထာတွေဆောင်
မြို့ပြကို နောက်ဖေးပေါက်မှဝင်ခဲ့ရ ။
မြို့သူမြို့သားတွေက
မြို့ပြစီးကြောင်းရဲ့
အသစ်ဆုံးဟန်ပန်တွေနဲ့
မာနထောင်လွှား
မိတ်ကပ်လှလှလေးလူထား ။
အတော်ကောင်းတဲ့မိတ်ကပ်
နဂိုရုပ် မမှတ်မိဘူး
မာယာနေပူပူ
ကျိမ်းစပ်စပ်
ဦးထုတ်မေ့တက်တဲ့ စိတ်ဓါတ်ကို
ခ၀ါသည်လက် အပ်ရဦးမယ် ။
ဟန်ဆောင်မှုကို ပိုးပန်းနေတဲ့
ယောက်ျားတွေ
ဟန်ဆောင်မှုကို လင်လုပ်လိုတဲ့
မိန်းမတွေ
ခေတ်ကိုပြိုင်နေ
ခေတ်ကိုဆိုင်နေ
မြို့ပြလေ … ။
ငါ့ကိုရှောင်တာလား
ငါကရှောင်တာလား
ပေါင်းစပ်မှုကို
ဓါးထက်ထက်နဲ့ ဖြတ်တဲ့
အကြောင်းတရပ်ပဲရှိတာလား ။
မြင်ကွင်းလှလှလေးတွေဟာ
ခဏ ခဏလေးနဲ့
ဝေးဝေးသွား ။
ရနံ့များ …
အကျော်
စနိုး
ပေါလစ် (ရှ်)
တိုက်တာ
ကားရောင်စုံသစ်သစ်
မြို့ပြဖြစ် ယဉ်ကျေးမှုရနံ့များ ။
ကိုယ့်အကြည့်တွေသာ ကျန်ပြီး
ဘာမှ ပြန်မရလိုက်တဲ့
ကားပေါ်က ခရီးသွား
ကားရော မြို့ပြပါ တောက် ပြီး
မူးနောက်နောက်
ရီဝေေ၀နဲ့
မြို့ပြကို နောက်ဖေးပေါက်က ၀င်ခဲ့ရ။ ။
(မယ်စရင်း ၊ မယ်ဟောင်ဆောင် ဖြတ်သန်းခြင်း ရင်ခုန်ချက်)
No comments:
Post a Comment